19 сентябрь, район мәҙәниәт йорто алдында ойошторолған Китап байрамы уҙҙы. Байрам шат балалар тауышынан яңғырап торҙо.Китапханысалар тарафынан үткәрелгән “Китаплы йәйғор” исемле китап байрамына төрлө ауылдарҙан китап һөйөүсе балалар йыйылды. Балаларҙы әкиәт геройҙары ҡаршы алды. Балаларға өҫтәлмә белем биреү үҙәге хеҙмәткәрҙәре тарафынан күңелле, шаян уйындар ойошторолдо. Бында шулай уҡ оҫталыҡ дәрестәрендә ҡатнашырға мөмкин булды. Китапханасылар биргән викторина һорауҙарына яуап бирҙеләр. Ошо матур сарала Ибрай урта дөйөм белем биреү мәктәбенең 5 класс уҡыусыһы Ҡолмөхәмәтов Ғазинур ҡатнашты. Был сарала ул икенсе тапҡыр ҡатнаша. Ғазинур гел яҡшы билдәләргә генә уҡый , китап менән дуҫ, ауыл китапханаһында уҙғарылған төрлө сараларҙа актив ҡатнаша.
Шулай итеп, балаларға был сара оҡшаны. Бигерәк тә, әкиәт геройҙарының сәхнәлә сығыштары оҡшаны.
Ошо байрамды ойоштороусыларға, китапханала тәмле сәйҙәре менән һыйлаусы апайҙарға, ҙур Рәхмәтебеҙҙе еткерәбеҙ!
